अदालतको मानहानी मुद्दामा वकिल प्रशान्त भूषणलाई एक रुपैयाँ जरिवाना 

Law Hub Nepal भाद्र १५, २०७७

काठमाडौं । भारतको सर्वोच्च अदालतले आफ्नो मानहानी अभियोगमा दोषी ठहर गरेका प्रशिद्ध वकिल प्रशान्त भूषणलाई एक रुपैयाँ जरिवाना तिराउने फैसला गरेको छ ।

सर्वोच्च अदालतले सोमबार सजाय सुनाउँदै एक रुपैयाँ (भारु) जरिवाना तिर्नु पर्ने फैसला गरेको हो । उनले गरेका दुई ट्वीटले सर्वोच्चको मानहानी भएको भन्दै प्रशान्त भूषण दोषी ठहर भएका हुन् ।

यसअघि नै दोषी ठहर गरी आफ्नो फैसला सुरक्षित राखेको सर्वोच्च अदालतले सोमबार सजाय सुनाएको हो । प्रधानन्यायाधीश एस ए बोबडे र सर्वोच्चको आलोचना गरी प्रशान्तले ट्वीट गरेका थिए । अदालतले प्रशान्तलाई अदालतसँग माफी माग्न या आफ्नो टिप्पणी फिर्ता लिन भनेको थियो, तर उनले स्वीकार गरेनन्।

आफ्ना अन्तरआत्मा र अदालतको मानहानीको सम्मानका लागि आफूले माफी नमाग्ने र टिप्पणी पनि फिर्ता नलिने बताएका थिए प्रशान्त भूषणले । सर्वोच्च अदालतले आफ्नो आलोचना स्वीकार गर्नु पर्ने तर्क प्रशान्तका वकिलले सुनुवाईको क्रममा तर्क गरेका थिए ।

प्रशान्तले जुन २९ मा महंगो बाइकमा बसेका सर्वोच्च न्यायाधीश बोबडेको तस्बिर ट्वीट गरेर टिप्पणी गरेका थिए । यस्तै अर्को ट्वीटमा भारतको अवस्थालाई लिएर पछिल्ला चार प्रधानन्यायाधीशको भूमिकामा आफ्नो विचार प्रस्तुत गरेका थिए ।

त्यसमा आफै अग्रसर भएर सर्वोच्चले प्रशान्तविरुद्ध अपहेलनाको मुद्दा चलाएको हो । न्यायाधीश अरुण मिश्रा नेतृत्वको बेन्चले अगस्ट २५ मा सुनुवाई सकेर सजायको फैसला सुरक्षित गरेको थियो ।

(ल हब नेपालमा प्रकाशित सामग्रीहरू पढ्न हाम्रो फेसबुक पेज यहाँ क्लिक गरि लाइक गर्नुहोस् ।

कानूनी या कुनै पनि सान्दर्भिक विषयवस्तुमा लेख रचना वा विचार प्रकाशित गर्न चाहानुहुन्छ भने [email protected] मा प्रेषित गर्नुहोस् ।)

तपाईंको प्रतिक्रिया व्यक्त गर्नुहोस् ।

विचार