भ्याक्सिन खरिदका लागि कानूनी प्रक्रिया सहज बनाइंंदै, सरकारले तयार पार्‍यो अध्यादेश 

Law Hub Nepal कार्तिक २७, २०७७

काठमाडौं । विश्व बजारमा भ्याक्सिन तयार हुने वितिकै खरिद गर्नका लागि सरकारले अध्यादेश तयार गरेको स्वास्थ्य तथा जनसंख्यामन्त्री भानुभक्त ढकालले बताएका छन् ।

विराटनगरस्थित कोशी अस्पताल र कोरोना उपचार केन्द्रको बिहीबार निरीक्षण गर्दै मन्त्री ढकालले भ्याक्सिन आयात गर्न कानुनी प्रक्रिया सहज बनाउन अध्यादेश तयार गरेकोले यसको सफल परीक्षण भएपछि नेपालमा ल्याउने बताएका हुन् ।

औषधि उत्पादन गरिने राष्ट्रहरुले भ्याक्सिन प्रयोग गर्दा नेपालमा पनि प्रयोग गर्न सकियोस् भन्ने उद्देश्यले सरकारले औषधि आयतमा बाधा अडचनहरू हटाउनका निम्ति अध्यादेश तयार गरिएको जानकारी दिए ।

अहिले विभिन्न मुलुकमा कोरोना भ्याक्सिनको क्लिनिकल परीक्षण भइरहेको छ । मन्त्री ढकालले भ्याक्सिनको आवश्यक व्यवस्थाको निम्ति राज्यकोतर्फबाट पहल गरिने बताए ।

भौतिक संरचनाको अभाव र यसलाई स्तरीय बनाउन वर्तमान सरकारले ६ हजार २ सय २ बेड अस्पतालमा थप गरिएको उनले जानकारी दिए ।

(ल हब नेपालमा प्रकाशित सामग्रीहरू पढ्न हाम्रो फेसबुक पेज यहाँ क्लिक गरि लाइक गर्नुहोस् ।

कानूनी या कुनै पनि सान्दर्भिक विषयवस्तुमा लेख रचना वा विचार प्रकाशित गर्न चाहानुहुन्छ भने [email protected] मा प्रेषित गर्नुहोस् ।)

तपाईंको प्रतिक्रिया व्यक्त गर्नुहोस् ।

विचार