कविता : खबरदार दलालहरु हो !

Law Hub Nepal फागुन २, २०७६
  • दुर्गाप्रसाद खनाल

खबरदार दलालहरु हो !
कोशी गण्डकी बेचेर
पुगेन तिमीहरुलाई

खबरदार राष्ट्रघातीहरु हो !
कर्णाली काली बेचेर
पुगेन तिमीहरूलाई

खबरदार जनघातीहरु हो !
कालापानी लिपुलेक बेचेर
पुगेन तिमीहरूलाई

खबरदार देशबेचुवाहरु हो !
सुस्ता महेशपुर पशुपतिनगर बेचेर
पुगेन तिमीहरूलाई

खबरदार लम्पसारवादीहरु हो !
साठ्ठी हजार जमिन ७२ स्थान सिमाना बेचेर
पुगेन तिमीहरूलाई

खबरदार भ्रष्ट कुलंगारहरु हो !
एनसेलबाट खर्बाैँ हसुरेर पनि
पुगेन तिमीहरूलाई

खबरदार मख्खिचुसहरु हो
जनताको करमाथि ब्रह्मलुट मच्चाएर पनि
पुगेन तिमीहरूलाई

खबरदार नैतिकहरामहरु हो !
तस्कर कालाबजारीया माफिया र बिचौलीयाहरुबाट
कमिशन खाएर पनि पुगेन तिमीहरूलाई

खबरदार अमेरिकाद्वारा सञ्चालित दलालहरु हो !
तिमीहरूलाई केही पनि नपुगेर
आज तिमीहरूले पचास करोड डलरमा देशलाई बेच्दै छौ

खबरदार नैतिकहराम दलालका पनि दलालहरु हो !
अब पचास करोड डलरमा र्याल काड्ने दलालहरुले
पैसा पायौ भने देश त के
जन्म दिने आमालाई पनि बेच्न सक्छौ

होस् गर भारत अमेरिकी चारो खाएर बाँचेकाहरु हो !
तीन करोड नेपाली जनता सुनामी बनेर
आउँदै छन् तिम्रा आलिशान महलहरु भत्काउन भनेर

ख्याल राख जनघाती राष्ट्रघाती दलालहरु हो !
नेपाली जनताले तिमीहरूलाई सोह्ररेर
पुर्याइ देलान कुराकर्कट झै हिन्द महासागरमा

त्यसैले अब नचम्क नझम्क दलालहरु हो !
तिम्रो आयू
डाँडामाथि जुनझैं बनिसकेको छ ।

खनाल कालिका मानवज्ञान माध्यमिक विद्यालय बुटवलमा कानुन संकाय अन्तर्गत कक्षा ११ मा अध्ययनरत छन् ।

तपाईंको प्रतिक्रिया व्यक्त गर्नुहोस् ।

विचार